Cloud Computer - මොකද්ද මේ ?

අපට පරිගණකයක් පමණක් තිබීමෙන් දත්ත සකස් කර ගැනීමට හැකියාව නොලැබෙයි. ඒ සඳහා මෘදුකාංග හා දෘඩාංග පහසුකම් තිබීම අනිවාර්ය වේ. උදාහරණයක් ලෙස ලිපියක් සකස් කිරීමට M.S.Word වැනි ලිපි සකසි කිරීමේ මෘදුකාංගයක් තිබිය යුතු වීම. මෙය සාමාන්‍ය දැනුමයි. මෙවැනි මෘදුකාංග ලබා ගැනීමේ දී අප වැනි රටවල් මුහුණ පාන ප්‍රධාන ප්‍රශ්ණය නම් මුදල් ප්‍රශ්ණයයි. මන්ද බොහෝ පරිගණක මෘදුකාංග මිලෙන් අධික ඒවායි. මෑතක සිට විවිධ අණපනත් මඟින් අනවසර පිටපත් භාවිතය සීමාකොට තිබීම තවත් බාධාවකි. එම නිසා තොරතුරු තාක්ෂණයේ දැනුම එක්තරා පන්තියකට පමණක් සීමා වෙමින් පවතී. තව ද, තෙරතුරු තාක්ෂණය රටක ආර්ථිකට සමාජීය වශයෙන් විශාල බලපෑමක් ඇති කරයි. එම නිසා තොරතුරු, රටක ලොකු කුඩා සියලුම පුරවැසියෙකුටම, දත්ත සකස් කිරීමට අවශ්‍ය කරන දෘඩාංග හා මෘදුකාංග පහසුවෙන් ලබාගැනීමට හැකියාව තිබීම ඉතා වැදගත් වේ.

මීට වසර 25 කට පෙර මුළු ප්‍රථිවියම කුඩා ගම්මානයක් බවට පත්කළ මාහා පෙරළි කාරයා වන අන්තර් ජාලය මෙයට පිළිතුරක් සපයා දෙමින් සිටී. තම පරිගණකයේ නැති වැඩසටහනක් ඔස්සේ දත්ත සකස් කිරීමේ ක්‍රියාවලිය දැන් අන්තර්ජාලය හරහා වෙනත් ස්ථානයක ඇති දත්ත ගබඩාවක් හරහා ක්‍රියාත්මක කොට අවශ්‍ය දත්ත සකස් කර ගැනීමේ ක්‍රියාවලිය Cloud Computing තාක්ෂණය ලෙස හඳුන්වනු ලබයි.

එනම්, M.S.World වැඩසටහන ඔස්සේ ඔබට ලිපියක් සකස් කිරීමට අවශ්‍ය යැයි සිතන්න. නමුත් එම වැඩසටහන ඔබේ පරිගණකයේ නැත. එවිට ඔබ, අන්තර්ජාල පහසුකම ඇත්නම් වෙනත් දත්ත ගබඩාවක් ඇති දත්ත සකස් කිරීමේ වැඩසටහනක් මාර්ගයෙන් ඔබට එම ලිපිය සකස් කරගැනීමට හැකියාව ලැබෙන්නේ මෙම Cloud Computing තාක්ෂණය නිසා ය. මෙසේ මෘදුකාංග ක්‍රියාත්මක කරමින් දත්ත සකස් කිරීමේ සේවාව S.A.A.S ( Software As A Service) ලෙස හඳුන්වයි.

මෙසේ අන්තර්ජාලය හරහා S.A.A.S ක්‍රමයට නැතහොත් ඔන්ලයින් ක්‍රමයට විවිධ වැඩසටහන් මඟින් දත්ත සකස් කර ගැනීමෙන් අපට ඇති වාසි

1. මුදල් ගෙවා මෘදුකාංගයක් තම පරිගණකයේ ස්ථාපනය කිරීමට අවශ්‍ය නොවීම.
2. මෘදුකාංගයක් ස්ථාපනය කිරීමට අවශ්‍ය ඉඩකඩ ගැන සිතීමට අවශ්‍ය නොවීම.
3. අවශ්‍ය වැඩසටහන ක්‍රියාත්මක කිරීම සඳහා පරිගණකයට ඇති පහසුකම් පිළිබඳව කරදර නොවීම.
4. ලෝකයේ ඕනෑම තැනක සිට අවශ්‍ය කරුණු වැඩසටහනට එක් කිරීමට ඇති හැකියාව.
   

* මෙහි ඇති විශේෂත්වය මෙම මෘදුකාංග බොහෝමයකට නොමිලේ සම්බන්ධ වීමට ඇති හැකියාවයි. Google Docks, Blist, Slide Rocket එවැනි ආයතන කිහිපයකි.

එම ආතන මඟින් ඔබට වෙබ් අඩවි හරහා ලිපි සකස් කිරීම, දත්ත ගබඩා මෙහෙය වීම, විගණනය ආදී සියලු ම සේවාවන් ලබාගැනීමට හැකියාව ලැබී ඇත. දෘඩාංග පහසුකම් ද, ලබාගැනීමට පවා දැන් තාක්ෂණය දියුණු වී ඇත. එනම් ප්‍රොසෙසරයේ කාර්යය පහසු කිරීම හා වේගවත් කිරීම සඳහා අන්තර්ජාලය හෝ ජාලගතව සම්බන්ධ වී වෙනත් පරිගණකවලින් එම පහසුකම ලබා ගැනීමයි. මෙම තාක්ෂණයේ ඉපදීමත් සමඟම තොරතුරු තාක්ෂණය ලොව සැමට එක සේ අත්විඳීමට හැකියාව ලැබී ඇත. තවද, ඉදිරි අනාගතයේ දී අන්තර්ජාලය ඔස්සේ Virual පරිගණකයක් සකස් කර ගැනීමට මෙම Cloud Computing තාක්ෂණය මඟින් ඔබට අවකාශය ලැබෙන කාලය ඉතා ඉක්මණින් එළඹෙනු ඇත.